LATEST ARTICLES

மார்ச் 10 2018 – திரு சே வெ சண்முகத்தின் ஐந்து நகைச்சுவை நாடகம்

Stories can reveal whole new worlds to us, and none more so than the stories from home. Avant Theatre commissioned by BuySingLit invites you to journey with us through the imagination of books published in Tamil. BuySingLit is an industry-led movement to celebrate stories from Singapore. Advocating ‘Buy Local, Read Our World’, homegrown book publishers, retailers and literary non-profits have come together to encourage more people to discover and embrace Singapore’s literature. Avant Theatre presents a Comedy in Tamil for BuySINGLIT Festival 2018 “The Groom is here” (Maappillai Vanthar) is a full length comedy interwoven through artistic integration of 5 plays written by the late Mr Se Ve Shanmugam. Mr Shanmugam’s plays are heavily influenced by the social happenings in our society with the infusion of art and cinema in his writings, cleverly capturing the social climate of the Singapore Tamils in the 60s and 70s era of last century. அவாண்ட் நாடகக் குழு பெருமையுடன் படைக்கும், அமரர் திரு சே வெ சண்முகத்தின் ஐந்து (மாப்பிள்ளை வந்தார்; கல்யாணமாம் கல்யாணம்; மீன் குழம்பு; அதுதான் ரகசியம்; நாலு நம்பர்). நாடகங்களை ஒருமைபடுத்தி உருவான நகைச்சுவை நாடகம், மாப்பிள்ளை வந்தார் உள்ளூர் கவிஞர்களை கௌரவிக்க வேண்டும், அவர்கள் எழுதிய படைப்புகளை வித்தியாசமான முறையில், புதிய பரிமானத்தில் படைக்க வேண்டும் எனும் முயற்ச்சியில் உருவானதே மாப்பிள்ளை வந்தார் நகைச்சுவை நாடகம். 10th March 2018 (90 min with no intermission) 7.30pm Night Shows & 3pm Matinee Show Malay Heritage Centre Tickets @ $12.00… Contact Tamil Orator Dhinesh Schools can apply for Sinda Educare Funds Book Vouchers are given away during “Student Interactive Segment”

சிங்கப்பூரில் தடம் பதிக்கும் கலர்ஸ் டிவி தமிழ்

சிங்கப்பூர் உள்ள தமிழர்களின் பொழுதுபோக்கு அம்சமான தொலைக்காட்சி தேவைகளுக்கு மீடியாகார்ப் வசந்தம், சன் டிவி, விஜய் டிவி, ஜீ தமிழ் என பிரதானமான சேனல்கள் நிகழ்ச்சிகள் வழங்கி வருகின்றன. தொலைக்காட்சி நிகழ்ச்சிகளில் ரசிகர்களை அதிகம் கவர்வது தொடர் நாடகங்களும் ரியாலிட்டி ஷோக்களும் தான். புதிதாக களமிறங்கும் ஒவ்வொரு தொலைக்காட்சியும் போட்டித் தன்மைக்கு ஏற்ப புதுமையான கதையுடன் நுட்பங்களுடன் நிகழ்ச்சியைப் படைக்க வேண்டிய கட்டாயத்தில் உள்ளன. அவ்வகையில் தமிழில் ஆரம்பிக்கப்பட்ட கலர்ஸ் டிவி புதுமையான கதையம்சங்களுடன் கொண்ட தொடர் நாடகங்களின் மூலம் ரசிகர்களை கவர்ந்து வருகிறது.

வழக்கமான தொடர்நாடகங்கள் போலல்லாமல் வித்தியாசமான கதையமைப்பில், வெளிப்புற இடங்களை மையமாகக் கொண்ட தொடர்நாடகங்கள் தயாரிப்பிலும் மாறுபட்ட கதையம்சம் கொண்ட நாடகங்களாலும் தமிழ் மக்கள் மனதில் கலர்ஸ் டிவி இடம் பிடித்துள்ளது என்பதை குறிப்பிட்ட சேனலின் உயர் இயக்குநரான அனுப் சந்திரசேகரன் உயர்ரக கேமெராக்கள் கொண்டு தாயாரிப்பதையும் பெருமைபடக் கூறினார். கலர்ஸ் டிவியின் சிங்கப்பூர் பங்காளரான அப்போலோ செல்லப்பாஸ் உரிமையாளர் சங்கர், வழக்கமான நிகழ்ச்சிகளில் இருந்து கலர்ஸ் டிவியின் நிகழ்ச்சிகள் புத்மையாக இருந்ததும் வீடியோக்களின் தரமும் மிகவும் கவர்ந்ததாலேயே கலர்ஸ் டிவியின் பங்காளராக முன்வர காரணம் என தெரிவித்தார். கலர்ஸ் டிவியின் பிரதான நாடகத் தொடர்களான பேரழகி, திருமணம், தறி, சிவகாமி, ஓவியா, மலர், மைனா ஆகியவற்றின் முன்னோட்டமும் ரியாலிட்டி ஷோக்களான சிங்கிங் ஸ்டார்ஸ், டான்ஸ் Vs டான்ஸ் ஆகிய நிகழ்ச்சிகள் பற்றியும் நடிகர், நடிகைகள் அனுபவங்களை பகிர்ந்து கொண்டனர்.


ராதிகா சரத்குமார் நெறியாளராக இருந்து பெண்களை மட்டுமே வைத்து நடத்தப்படும் கோடீஸ்வரி நிகழ்ச்சி பற்றியும் அறிவிக்கப்பட்டது. கலர்ஸ் டிவியின் தொகுப்பாளர்கள் விஜய், கிகி கலகலப்பாக தொகுத்து வழங்கினார்கள். கலர்ஸ் டிவியின் ஆரம்பான நாளான அன்றே 6 விளம்பரதாரர்கள் ஒப்பந்தங்களில் கையொப்பமிட்ட நிகழ்ச்சியும் நடைபெற்றது. புதிதாக களமிறங்கியுள்ள இப்புதிய வர்த்தகத்தில் ஆதரவளித்த அனைவருக்கும் நன்றி தெரிவித்த சங்கர் ஹோல்டிங் நிறுவத்தின் உரிமையாளர் சங்கர் தொடர்ந்து ஆதரவளிக்குமாறும் கேட்டுக் கொண்டார்.

சுவாமி ஓம்கார் – பதஞ்சலி யோக சூத்திரங்கள்

தமிழகத்தைச் சேர்ந்த சுவாமி ஓம்கார் அவர்கள் பதஞ்சலி யோக சூத்திரங்கள் பற்றிய சிறப்புரை நிகழ்ச்சி நடைபெற இருக்கிறது. இலவச அனுமதியுடன் நடைபெறும் நிகழ்ச்சியின் முன்பதிவிற்கு தொடர்பு கொள்ள: +65 9781 2919 | sof.singapore@gmail.com

https://docs.google.com/forms/d/e/1FAIpQLSfu1QwSKBNI8o476BPawQx802GCZQ8Xu4vAjvif4EqfL-9b_Q/viewform

தங்க முனை விருது 2019 – போட்டி அறிவிப்பு

தேசிய கலைகள் மன்றம் ஆண்டு தோறும் அளித்து வரும் தங்கமுனை விருதுக்கான போட்டி அறிவிப்பை வெளியிட்டுள்ளது. 1993ம் ஆண்டு முதல் இயங்கி வரும் தேசிய கலைகள் மன்றம் நடத்தும் படைப்புகளுக்கான போட்டியானது சிங்கப்பூரில் புதிய எழுத்தாளர்களை அடையாளம் காணவும், தொடர்ந்து இலக்கிய படைப்புகளில் எழுதும் ஆர்வத்தை ஊக்குவிக்கவும் தங்கமுனை விருது கொடுக்கப்பட்டு வருகிறது. தங்க முனை விருது போட்டிக்கான படைப்புகளை வரும் ஜூலை 1 முதல் 31 வரை இணையம் வழி அனுப்பலாம். இந்த போட்டியில் வெற்றி பெறுபவர்களுக்கு தங்க முனை விருது இந்தாண்டு டிசம்பர் மாதம் நடைபெறும் விருது விழாவில் வழங்கப்படும்.

தங்கமுனை விருதுக்கு படைக்கப்படும் படைப்புகள் சொந்தமானதாகவும், வேறெந்த இணைய/ அச்சுப் பிரதிகளில் வெளிவராததகவும் இருத்தல் அவசியம். சிங்கப்பூரின் அதிகாரப்பூர்வ மொழிகளான மலாய், சீனம், ஆங்கிலம் மற்றும் தமிழ் மொழிகளில் இந்த போட்டியானது நடைபெறுகிறது. சிறுகதை மற்றும் கவிதை எழுதுவதில் ஆர்வம் உள்ளவர்கள் இந்த போட்டியில் கலந்து கொள்ளலாம்.

இந்த போட்டியில் முதல் பரிசு வெல்லும் வெற்றியாளருக்கு 4,000 வெள்ளி பரிசு, சான்றிதழ் மற்றும் பதக்கம் வழங்கப்படும். இரண்டாம் பரிசு பெறுபவருக்கு 3000 வெள்ளிகளும் சான்றிதழும் வழங்கப்படும். கடைசி மற்றும் மூன்றாம் பரிசை வெல்லும் நபருக்கு 2000 வெள்ளிகளும் சான்றிதழும் விருது மேடையில் வழங்கப்படும்.

மேலும், சிறப்பு பரிசுகளாக அடுத்த மூன்று இடங்களை பிடிப்பவர்களுக்கு தலா 500 வெள்ளிகள் பரிசாக வழங்கப்படும்.
போட்டியில் பங்கேற்க விரும்புவர்கள் National Arts Council (NAC) எனப்படும் தேசிய கலை மன்றத்தின் அதிகாரப்பூர்வ இணையதளத்தில் தங்களது விபரங்களை பதிவு செய்ய வேண்டும். மேலும், போட்டியில் பங்குபெற விரும்புவர் 16 வெள்ளிகள் (ஜிஎஸ்டி உள்பட) கிரெடிட் கார்டு மூலம் செலுத்த வேண்டும். மேலும், விபரங்களுக்கு NAC_Literary_Arts@nac.gov.sg. என்ற மின்னஞ்சலிலும் அதன் இணைய தளத்தினையும் nac.gov.sg. தொடர்பு கொள்ளலாம்.

உரிமம் இல்லாத உல்லாச விடுதி

உம்மைப் பார்த்தப் போது உருகி உருக்குலைந்து
உயிர் விட்டேனேடி,எனது ஏற்கனவே உடைந்த போன உள்ளமே
மூன்றாண்டுகளில் முன்னேறி பிள்ளைக்குட்டிகளோடு
மூக்கனிச்சுவைமிக்க இல்லற வாழ்க்கையைச் செவ்வென வாழாமல்
இங்கு எச்சில் பாத்திரங்களைக் கழுவிதான் உம் வயிற்றைக் கழுவிக்
கொண்டிருக்கிறாயோ
கண்டவன் உரசி போவான், காமகொடூரப் பயல்கள் எல்லாம் அதற்கு
மேலும் கேட்பான்களே,
நீ படித்த கல்விச் சான்றிதழ்கள் எங்கே?
உம்மை என்னிடமிருந்து பிரித்துப்போன அந்த மன்னவன் எங்கே?
உம் கண்களின் பின்னால் ஒளிந்திருக்கும் வலி உமக்கு 3 குழந்தைகள்
என்பதே
சொல்லாமல் விம்மிக்கின்றதே
நொண்டி கொண்டிருக்கும் உம் காலில் என் தங்கக் கொலுசு நல்ல
வேளையாக இல்லை
இல்லையென்றால் அது வைக்கும் ஒப்பாரியைக் கேட்க மீதம் உயிர்
எமக்கு இல்லை
காதலில் தோற்ற போன எமக்கு ‘ இந்த’ வாழ்நாள தண்டனை
போதுமடி செல்லமே!

மூக்குத்துறவு சிறுகதை விமர்சனம் – வித்யா அருண்

கதைக்கான சுட்டி இதோ

உலகின் கடைசி நாள் எப்படி இருக்கும்? , உலகின் முடிவு எதனால் அமையும் என்பதைப்பற்றிய அறிவியல் புனைவுகளால் ஆக்கப்பட்ட ஆங்கிலப்படங்கள் அதிகம். உதாரணத்திற்கு இரண்டாயிரத்து ஏழாம் ஆண்டு(2007) வெளிவந்த  “I am Legend” என்ற படத்தை சொல்லலாம் .

அந்தப்படத்தில் புற்றுநோய்க்காக  கண்டுபிடிக்கப்பட்ட மருந்தின் மாறுபட்ட குணத்தினால் குலைகுலையாக மனிதர்கள் இறந்து போவார்கள். கதையில் உலகின் கடைசி மனிதனாய் வரும் நாயகன் எப்படி மனிதர்களின் நீட்சிக்குகாரணம் ஆகிறார் என்பது கதையின் மீதிக்கதை. இவ்வகையான படங்கள், வேறுபட்ட கற்பனையாலும், பிரமாண்டமான காட்சிப்படுத்தலாலும் தான் உலகின் பலநாடுகளில் இருக்கும் பல மொழிபேசும் மக்களையும் ஈர்க்கின்றன.

நம் தமிழ் இலக்கியத்தில் இவ்வகை புனைவுகள் இல்லையா? நம் இதிகாசங்களில் ஏகப்பட்ட உதாரணங்கள் இருக்கின்றன. கடலைக்கடக்கும் அனுமன் பலவிதமான தடைகளைத் தாண்டுவார்.

கம்பராமாயணத்தில் அங்காரத்தாரை என்ற ஒரு பாத்திரம், நிழலை பற்றி இழுக்கும் வலிமை உடையது.

சாயா வரம்தழுவினாய் தழியபின்னும்
ஓயாஉயர்ந்தவிசை கண்டுமுணர் கில்லாய்
வாயால் அளந்துநெடு வான்வழி அடைத்தாய்
நீயாரை? என்னைஇவண்நின்றநிலை என்றான்.

அவள் வாயால் வான்வழி முழுவதையும் அடைத்துவிட்டாளாம். நன்னெறியை புகட்டுவதற்காக நம் பிள்ளைகளுக்கு நாம் சொல்லும் இதிகாசக்கதைகளில் இருக்கிற புனைவுகள் தான்  அவர்களின் மனதில் இந்தக்கதைகளை நினைவில் நிலைபெறச்செய்கின்றன.

மூக்குத்துறவு என்ற சிறுகதையின் மையப்புள்ளி மூச்சை அடக்குதல்l. மூச்சும் மனதும் ஒன்றோடொன்று நெருங்கிய தொடர்புடையவை. திருமந்திரம் ” பிராணன் மனத்தொடும் பேராது அடங்கிப்

பிராணன் இருக்கில் பிறப்பு இறப்பு இல்லை” என்கிறது. மனதோடு மிகநெருங்கிய பிராணனை அடக்குபவர்களுக்கு பிறப்பு, இறப்பு என்கிற சுழற்சிகள் இல்லையாம்.

எனக்கு மிகவும் பிடித்தது இந்தக்கதையின் தலைப்பு. புரட்டாசி மாதம் வந்தாலே , அசைவ உணவு பிரியர்களுக்கு அதைத் துறப்பது பெரிய காரியம் தான். மூக்கைத் துறப்பது ஏன்? என்ற கேள்வியோடு வாசகர்களைக்கதைக்குள் இழுக்கிறது இந்தத்தலைப்பு.

நல்ல வாசிப்பாக அமைந்தாலும் தர்க்க ரீதியாக கதை முழுதும் எனக்குக்கொஞ்சம் சிக்கல்கள் இருந்தன. ஒரு மூக்கு ஓட்டையை அடைத்தால் மட்டும் நாம் சுவாசிக்கும் காற்றின் அளவு குறையுமா என்பது அதில் முதல் கேள்வி.

ஒரு நாளைக்கு இருநூறு வார்த்தைகளுக்கு மேல் பேசக்கூடாது, மெதுவோட்டம் ஓடக்கூடாது, கவலை, மகிழ்ச்சி, அன்பு எல்லாவற்றையும் முடிந்தவரை நிராகரிக்க வேண்டும். இப்படி ஒரு சூழலில் வாழ்தல் இனிதா? அப்படி வாழத்தான் வேண்டுமா? என்பது அடுத்த யோசனை.

மனிதர்களின்  ஆயுள் ஐம்பது வயது என்று அரசாங்கம் கட்டுப்படுத்திகிற சூழலில், குரங்கை மட்டும் எப்படி விட்டுவைத்தார்கள்?

சமீபத்தில் நமது சாங்கி விமானநிலையத்தில் நான்காவது முனையத்தில், தானியங்கி இயந்திரங்கள் சுத்தம் செய்வதைக்கண்டேன். இந்தக் கதையில் நீரோடையில் மிதக்கும் செத்த எலி போன்றவற்றை ஒரு தொழிலாளி அகற்றிக்கொண்டிருப்பதாக ஒரு வரி வரும் . வளர்ந்து  வரும் இயந்திர யூகத்தினால் தான் காற்று மாசு அதிகம் என்றால், ஏன் இன்னும் மனிதர்கள் இந்தக்கழிவுகளை அப்புறப்படுத்த வேண்டும்?

ஒருபக்கம் மனிதமலத்தை மனிதர்கள் அள்ளுவதை தடுக்கப்போராடுகிறோம். இன்னொருபக்கம், அசுரவளர்ச்சியால் காற்றுக்குறைந்த உலகிலும் மனிதர்கள் தான் இதுபோன்ற வேலைகளைச்செய்கிறார்கள்  என்பது முரண் இல்லையா?

ஒரு நல்ல இலக்கியம் என்பது படிக்கும்போது நாம் அதற்கு முன்னர் படித்த நூல்களையோ, அல்லது அனுபவங்களையே நினைவுபடுத்தும். கதையில் தாதி காட்டும் பச்சை இல்லை எனக்கு ஓ ஹென்றியின் Last Leaf (கடைசி இலை) என்ற கதையை நினைவுபடுத்தியது.

இரண்டாயிரம் ஆண்டில் தில்லியின் குளிர்கால ஒரு முன்னிரவு நேரம். அத்தனை வாகனப்புகையும் வானில் மேல் எழமுடியாமல், எல்லார் கண்களிலும் அமிலம் வார்த்தது. அன்று பெரிதும் கேள்விப்படாத காற்றுமாசு இருபது ஆண்டுகளில் இன்று வளர்ந்து வரும் நாடுகளின் பெய்ஜிங், பாங்காக், சென்னை  முதலிய எந்த நகரத்தையும் விட்டுவைக்கவில்லை.

இன்றைய நவீன சந்தையில் அறையை வருடம் முழுவதும் அடைத்து வைத்தாலும், காற்றின் ஈரத்தன்மையை சீர் செய்து, காற்றின் நச்சைகுறைத்து காற்றை பலமடங்காக அதிகரிக்கும் மின்னணு பொருட்கள் வந்துவிட்டன. (Air Multipliers, HEPA Filters, Humidifiers).அவற்றின்சந்தை  இருப்பை நாம் கணக்கில் கொண்டால், இந்தக்கதையின் போக்கு பாதிக்கப்படக்கூடும்.

கதையின் முடிவு ஊகிக்கப்படும்படியாக இருந்தாலும் மானுடம் தோற்ற ஒரு நிகழ்வில் மனிதர்கள் இன்னும் வாழ்வதால் என்ன பயன் என்ற கேள்வி எழாமல் இல்லை.

கதையில் இடைச்செருகலாக இருந்த இறைத்தூதர்களை பற்றிய வரிகள் பலம் சேர்க்கவில்லை.

 காற்றுமாசைப்பற்றிய கவலையோடு, இந்த அசுரச்சூழல் வராமல் இருக்க என்ன செய்யலாம் என்ற யோசனையையும் வாசகர்களுக்கு இந்தக்கதை  நிச்சயம் ஏற்படுத்தும். (முற்றும் )


மாத்தி யோசி – எதிர்கால தமிழ் / தமிழருக்கான மாற்றுவழி பரிந்துரை

ஏதாவது ஒரு விழா, அதில் சில புகழுரைகள், நீண்ட புரியாத இலக்கிய உரைகள் இல்லை சில பட்டிமன்றம் அதில் சில மொக்கைகள் இல்லை வட்டம் சதுரம் என கணக்காக நடத்தப்படும் கூட்டங்கள் என எங்களை ஈர்க்காத நிகழ்வுகளாக நகர்ந்து கொண்டிருக்கும் தமிழ் வளர்ப்பு பணிகளுக்கு நாங்கள் ஆர்வம் காட்டவில்லை என்ற குற்றச்சாட்டையும் வைக்கிறார்கள் என இளையர்கள் ஆதங்கப்படுகிறார்கள். அவர்களின் களம் வேறாக, அவர்களின் எண்ணப்போக்கு முற்றிலும் மாறாக இருப்பதை எடுத்துச் சொன்னது நேற்றைய ‘மாத்தி யோசி’ கருத்தரங்கில் கலந்தாலேசிக்கப்பட்ட கருத்துகளின் பகிர்வு நிகழ்வு.

தமிழர் பேரவையின் இளையர் பிரிவு கடந்த ஜனவரி மாதம் 19ஆம் தேதி ‘மாத்தி யோசி’ என்ற இளையர்களுக்கான கருத்தரங்கை ஒன்றை நடத்தியது. அதில் தமிழ்மொழியும் கலையும், சமூக மேம்பாடு, தொழில்முனைவோர், சமூக அரசியல், விளையாட்டும் ஆரோக்கியமும், தொழில்நுட்பம் என்ற ஆறு பிரிவுகளில் இளையர்களின் கருத்தை கேட்டறிந்தது. இதில் சுமார் 100 இளையர்கள் கலந்துகொண்ட கருத்துக்கணிப்பை அடிப்படையாக கொண்டு சிங்கை தமிழ்ச் சமூகத்தின் மீதான இளைஞர்களின் பார்வை, அதில் இளையர்களின் தேவை, அடிப்படை பிரச்சனைகள், அவற்றிற்கான தீர்வு, செயல் திட்டம் இப்படி பலவற்றையும் கருத்தரங்கில் ஆராய்ந்த இருக்கிறார்கள். ஆனால் இவை ஒட்டுமொத்த தமிழ் இளயர்களின் கருத்தாக ஏற்றுக்கொள்ள முடியுமா என்றால் இல்லை என்று அவர்களே கூறுகின்றனர். இது ஒரு குறிப்பிட்ட சாராரை கொண்டு எடுக்கப்பட்டு கருத்துக்கணிப்பு என்கின்றனர். என்னைக் கேட்டால் இதுவே ஒரு பெரிய தொடக்கம் என்பேன்.

கடந்த ஐந்து மாதத்தில் பல குழுக்களாக பிரிந்து பல்வேறு கூட்டங்கள், கருத்துரையாடல், கணக்கெடுப்பு என பல வழிகளில் திரட்டப்பட்ட
இளையர்களின் எண்ணப்போக்கை பதிவு செய்திருக்கிறது இளையர் பிரிவு. அதன்
சாராம்சம்ததை சிறப்பாக தொகுக்கப்பட்டு புத்தகமாக அச்சிடப்பட்டு நேற்று வெளியிட்டார்கள். இதில் இந்த ஆறு பிரிவுகளில் உள்ள பிரச்சனைகள், அதற்கான தீர்வுகள் என 13 முக்கிய பரிந்துரைகளைக் முன் வைத்திருக்கிறார்கள். ஆங்கிலத்தில் வெளியிட்டிருந்தாலும் மிக நேர்த்தியாக கருத்துகளை எந்தவித இடைச் செருகலும் இல்லாமல் தொகுத்திருக்கிறார்கள். இதற்கே கணிசமான நேரமும் உழைப்பும் தேவைப்பட்டிருக்கும்.

இதில் சிறப்பு என்னவென்றால் 13இல் 9க்கான செயல்திட்டத்தை ஏற்கனவ செயல்படுத்த தொடங்கிவிட்டார்கள். ஒரு 300பேர் கலந்துகொள்ளும் விழா நடத்த 3 மாதங்களுக்கு மேலாக திட்டமிட்டு, பல விளம்பரங்கள் வெளியிட்டு, இரண்டு மூன்று இளையர்களை மேடையேற்றவும், பத்து இருவது மாணவர்களை கூட்டத்துக்கு வரவழைக்கவும் பல போட்டிகள் வைத்து சிரமப்படும் வேளையில் இளையர்கள் தாங்களாகவே இஷ்டப்பட்டு கூடி கஷ்டமான இப்படியொரு பணியை மிகச் சாதாரணமாக சத்தமில்லாமல் செய்திருப்பது பாராட்டத்தக்க செயல்.

சரி, அப்படி என்னதான் சொல்கிறார்கள். ஒரு நிகழ்வுக்கான பெயரிலும் அழைப்பிதழ் வடிவமைப்பதிலும் தொடங்க வேண்டும் இளையர்களை ஈர்க்கும் பணி என்கின்றனர். சொல்வதோடு நில்லாமல் அவர்களின் செயல்திட்டத்தில் அதை நிறைவேற்றியும் இருக்கிறார்கள். அவர்களின் ‘மாத்தி யோசி’யில் தொடங்கி ‘என்ன mic’, ‘தாத்தா, பாட்டி and me’, கலாய்ச்சிஃபை, Candid Confessions, வணிக வேட்டை, ‘வாங்க பழகலாம்’, ‘வாசி மா’(செயலியின் பகுதி) என பெயர்கள் மட்டுமில்லாமல் நிகழ்வுகளும் மாறுபட்டதாகவே உள்ளன.

இவர்களின் வணிகவேட்டை நிகழ்வு அவர்களின் சிந்தனைக்கும் சிறப்பான செயலுக்கும் ஒரு சான்று. அது குறித்து கடந்த மே ஒன்றாம் தேதி முகநூலில் பதிவு செய்திருந்தேன். (https://www.facebook.com/100000065563092/posts/2498736820138479?s=100000065563092&sfns=mo)
இதுபோன்று பல பயனுள்ள நிகழ்வுகளை நடத்தவிருக்கின்றனர்.

நேற்றைய நிகழ்வில், தமிழர் பேரவையின் இளையர் பிரிவு சிங்கை தமிழ் சமூகத்திற்காக தாங்கள் உருவாக்கிய ‘குறி.sg’ என்ற செயலி குறித்த தகவல்களை வெளியிட்டனர். விரைவில் பொது மக்களுக்காக வெளியீடு காணவிருக்கும் இச்செயலி ஒன்றரை மாதக் காலத்தில் உருவாக்கப்பட்டது என்பது ஒரு சாதனையே. இது போன்ற ஒரு செயலி குறித்து மூன்றாண்டுகளுக்கு முன்னர் அருணிடமும் பின்னர் ரூபனிடமும் பேசியிருக்கிறேன் ஆனால் செயல்படுத்தவில்லை. இவர்கள் பல அம்சங்களுடன் இதை குறுகிய காலத்தில் உருவாக்கியிருப்பது சிறப்பு. இதில் சிங்கையில் நடக்கும் நிகழ்வுகள் குறித்த விவரங்கள், பதிவு செய்யும் வசதி, பணம் செலுத்தி நுழைவுச்சீட்டு பெறும் வசதி, பின்னூட்டமடும் வசதி என பல ஒருங்கிணைந்த சேவைகள் உள்ளன. தமிழ்மொழி விழா மற்றும் பல தமிழ் நிகழ்வுகளை அமைப்புகள் இதில் பதிவேற்றிவிட்டால் அனைவரும் தங்கள் திறன்பேசி நாள்காட்டியில் அதனை பதிவிறக்கம் செய்து கொள்ளலாம். அது மட்டுமின்றி தேசிய நூலகத் துணையுடன் ‘வாசி மா’ என்ற பகுதியில் தமிழ் நூல்களை பதிவிறக்கம் செய்து படித்துக் கொள்ளலாம். இப்படி சமூகத்திற்கு தேவையான பல வசதிகளுடன் இளையர்களை ஈர்க்கும் வகையில் உருவாக்கப்பட்ட இந்தச் செயலி அனைவருக்கும் பயனுள்ளதாக அமையும் என நம்புகிறேன். எப்படி பராமரிக்கப்படுகிறது என்பதை பொறுத்தே அமையும்.

நேற்றைய நிகழ்வில் என்னைக் கவர்ந்தது நிகழ்ச்சி நெறியாளர், புரவலர்கள்/தலைவர்கள் சிறப்பு செய்தல், சிறப்பு விருந்தினர் உரை இப்படி எதுவும் இல்லாமல் முதலிருந்து கடைசி வரை ஒன்றரை மணி நேரம் இளையர் பிரிவின் தலைவர் திரு அருணின் உரை மட்டுமே இடம்பெற்றது. மிக அழகாக எந்தவித தடங்கலுமின்றி தான் சொல்ல வந்த கருத்தை கோர்வையாக தொகுத்து வந்திருந்தவர்களை சென்றடையும் வண்ணம் சிறப்பாகச் சொன்னார்.

இவர்களின் இன்னொரு சிறப்பு என்னவென்றால், தேசிய நூலகம், பல்கலைக்கழகங்கள், அரசு அமைப்புகள், இணை அமைப்புகள், மற்ற தமிழ் அமைப்புகள் என எல்லோருடனும் இணைந்து பணியாற்றும் எண்ணப்போக்கு. 2025ஆம் ஆண்டு எப்படி இருக்க வேண்டும் என இப்போதே திட்டம்போட்டு செயல்படுகின்றனர். யாரையும் முன்னிலைப் படுத்தாமல் ஒரு குழுவாக இயங்குவது, எல்லோரும் ஒற்றை நோக்கத்தை நோக்கி பயணிப்பது என சில விழுமியங்களை ஏற்று செயல்படுகின்றனர். இதை தமிழ்ச் சமூகம் சரியாக பயன்படுத்திக்கொள்ள வேண்டும்.

சிங்கை தமிழ் அமைப்புகளுக்கு தங்களின் கலந்துரையாடலின் பரிந்துரைகளை பகிரும் நோக்கத்துடன் இந்நிகழ்வு ஏற்பாடு செய்து அனைவரையும் அழைந்திருந்தாலும், வழக்கம் போல் 5 அல்லது 6 அமைப்பினைச் சேர்ந்த தலைவர்கள்/பிரதிநிதிகளே வந்திருந்தனர். குறிப்பாக தமிழர் பேரவையின் துணைத் தலைவர் திரு மசூது அவர்கள் சிங்கப்பூர் கடையநல்லூர் முஸ்லிம் லீக்கின் முழு ஆதரவையும் மற்ற முஸ்லிம் அமைப்பின் பிரதிநிதிகள், சிங்கை மசூதிகளின் பிரதிநிதிகள் ஆகியோருடனும் தொடர்பு ஏற்படுத்தி தருவதாக உறுதியளித்திருக்கின்றார். தமிழ் அமைப்புகள் இளையர்களை தேடி கண்டுபிடித்து தங்கள் நிகழ்வுகளில் பங்கு பெற வைப்பது ஒரு புறம் இருந்தாலும் இளையர் பிரிவின் நிகழ்வுகளை சேர்ந்து நடத்தலாம், அவர்களின் பரிந்துரைகளை பரிசீலித்து அவர்களுடன் கூட்டாக செயல்படலாம், செயல் திட்டத்தில் பங்கு பெறலாம், அதன் மூலம் அவர்களை ஊக்கப்படுத்தி உற்சாகத்துடன் புதிய பல விஷயங்களை நடைமுறைப்படுத்தலாம்.

இளையர்களின இம்முயற்சியை அமைப்புகள் தாண்டி ஒத்த நோக்குடன் வரவேற்போம், வாழ்த்துவோம், வளர உதவுவோம்.

எந்தன் உயிர் தோழி – சிங்கப்பூர் திரைப்படம்

Enthan Uyir Thozhi (#EUT) is a 2017 Tamil Fantasy Romantic-Comedy Indie Feature Film produced in Singapore. Written, Shot, Produced & Directed by Kevin William. Synopsis: Surya Prasad (Thoufiq) gets a chance to travel across time when his friendship with Shruti Balakrishnan (Ashwini) gets snapped because of his love proposal. More problems and obstacles awaits his journey when he decides to alter the passage of time to win his lady love.